Inòpia DI Emilia Esposito

Dint’ ‘a ‘nu vascio scuro scuro

appena appena ce trase ‘na lenzetella ‘e luce.

Ij’ ce vulesse dà ‘nu poco vita

‘a ‘sti mmure nire comme ‘a notte.

Dint’ ‘a chisti vascetielle,

addò nun ce trase maie ‘o sole,

cresceno ‘sti ccriature

ca fanno venì ‘a tristezza ncuollo:

teneno ‘a faccella janca ‘e paura

e so’ criature senza ‘nu futuro.

S’acquietano sulo mbraccio ‘a mamma

ca s’he strigne forte nzino

e ce dà tutto l’ammore.

Allora, chella lenzetella ‘e sole se ritira,

abbanduna chillu vascio.,

ha capito ca ‘a luce che ce dà ‘na mammma

dura pe’ tutta ‘a vita!

©Emilia Esposito PremioParoleNuove  2023 AnimaDiVento