Dilucolo Di Vincenzo De Bernardo

 

Me piace assai ‘o dilùcolo, ‘a matina,

quando sta p’accummincià ‘a jurnata,

ca fredda assai è stata ‘a nuttata

e ‘o sole, chiano, sta pe’ s’affaccià!

E ogni cosa piglia ‘a lice soja,

intanto s’è stutato ogni lampione,

‘e piante ca stanno for’’o balcone,

pure lloro stanno a respirà!

Si aizo, appena appena, ‘a persiana,

veco ‘a muntagna ca sta ‘e rimpetto,

ogni albero, cu ‘e foglie, se l’aspetta,

pure lloro se vonno scarfà!

Ll’aria, a chest’ora d’’a matina,

‘a siente ca te trase dint’’o naso,

pure ‘o geranio ca sta dint’’o vaso,

pare che dice: uè. io stongo ccà!

©Wincenzo De Bernardo PremioParoleNuove AnimaDiVento2022