Stregnuto accussì stanotte
dint’ê braccia toie
me faie passà tutt’ ‘e ppaure
ca tengo dint’ô core.
A chi comme a mme
va truvanno l’ammore,
chillo vero, e nun ‘o truova,
a chi va cercanno
‘stu sentimento carnale
ca se sente dint’a ll’anema,
e pure a chi ce crere ancora
e aspetta juorne e nuttate
speranno ‘e scuprì l’ammore…
Sentenno ‘sti pparole
puo capì chello ca sto pruvanno.
E tu, ca me saje capì,
me tiene stretto a tte
ancora cchiù forte
e co’e vase toie ardente
accarezzannome risponne:
Sulo l’ammore mio
te può salvà!
@ Emilia Esposito
Nessun commento:
Posta un commento
Nota. Solo i membri di questo blog possono postare un commento.